"Bəlkə də çempionatımızın ən vacib qələbəsini qazandıq". Sportnet.az-ın məlumatına görə, bunu "Qarabağ"ın baş məşqçisi Qurban Qurbanov "Kəpəz"i Gəncədə 2:1 hesabı ilə yendikləri Azərbaycan Premyer Liqasının XXI tur matçından sonra deyib.
2 standar vəziyyətdən qol vurduqlarını deyən 44 yaşlı mütəxəssis komandasını və azarkeşləri təbrik edib. O, rəqib həmkarı Şahin Diniyevə də çox istəkli komanda formalaşdırması münasibətilə təşəkkürünü çatdırıb.
Qurbanov "Kəpəz"i Gəncədə məğlub etməyi bacaran yeganə komanda olmalarında sirr görmədiyini bildirib: "Buna sirr deməzdim. Belə hallar olur. Elə komandalar var ki, üstün oynasaq da, onlara qalib gələ bilməmişik".
