İtaliyanın "Yuventus" klubunun qapıçısı Canluici Buffon quru oyunlar seriyasını davam etdiri. Sportnet.az-ın məlumatına görə, təcrübəli əlcək sahibi A Seriyasındakı bu göstəricisini 746 dəqiqəyə çatdırıb.
Ölkə çempionatının son turunda "İnter"lə evdə keçirilmiş oyun 2:0 hesabı ilə başa çatıb. Buffon sonuncu dəfə XIX turda "Sampdoriya" ilə səfər görüşündə qapısında qol görüb. Həmin oyun qonaqların 2:1 hesablı qələbəsi ilə başa çatıb.
Qeyd edək ki, Turin komandasının kapitanı cari mövsümdə 26 oyunda meydana çıxıb və 11 qol buraxıb.
