"Qəbələ” Azərbaycan kubokunun 1/4 final mərhələsinin "Zirə” ilə cavab oyununun hazırlıqlarını davam etdirir. Sportnet.az-ın məlumatına görə, "qırmızı-qaralar” ötən gün Qəbələdə bir araya gəlib.
Günün ikinci yarısına təsadüf edən məşq prosesində futbolçular iki qrupa bölünüb. Son matçın iştirakçıları bərpaedici çalışmalara üstünlük verib. Çempionat oyununda meydana çıxmayanlar isə Qəbələ şəhər stadionunun yaşıl meydanında məşq edib. Roman Qriqorçukun komandası yetirmələri hazırlıqlara tam heyətlə qatılıb. Son turun oyununu zədə səbəbindən buraxan Ermin Zets də kollektivlə məşq keçib. "Qəbələ” bu gün axşam oyunöncəsi hazırlığa çıxacaq.
Qeyd edək ki, səfərdə 2:1 hesabı ilə qalib gələn "qırmızı-qaralar”ın "Zirə” ilə ev oyunu martın 9-da keçiriləcək. Qəbələ şəhər stadionunda baş tutacaq görüş saat 15:00-da başlayacaq.
