Azərbaycan millisinin DÇ-2018-in seçmə qrup mərhələsindəki rəqibi Almaniya yığması yoldaşlıq görüşü keçirib. Sportnet.az-ın məlumatına görə, Bundestim evdə İngiltərə ilə qarşılaşmadan məğlub ayrılıb - 2:3.
Halbuki meydan sahibləri oyunun 2/3 hissəlik bölümünədək 2:0 hesabı ilə öndə olublar. 43-cü dəqiqədə Toni Kros, 57-ci dəqiqədə Mario Qomes fərqlənib. Lakin 61-ci dəqiqədə Harri Kane, 74-cü dəqiqədə Ceymi Vardi, 90+1-ci dəqiqədə isə Erik Dayer fərqlənərək, İngiltərə millisinə qələbə qazandırıb.
Qeyd edək ki, Berlindəki "Olimpiaştadion"da keçirilmiş qarşılaşmanı 71400 tamaşaçı izləyib.
