Topaz Premyer Liqasında mübarizə aparan klubların əvəzedici heyətlərinin yarışında çempion müəyyənləşib.Sportnet.az-ın məlumatına görə, XXXII turun "Neftçi” ilə oyununda 3:0 hesabı ilə qalib gələn "Qəbələ” çempionatın sonuna 4 tur qalmış 1-ci yeri təmin edib.
Ardıcıl 6-cı qələbəsini qazanan Ramin Quliyevin baş məşqçisi olduğu komanda xal hesabını 72-yə çatdırıb. Ən yaxın izləyicisi "Sumqayıt”in "İnter”lə matçda xal itirməsindən yararlanan "qırmızı-qaralar” fərqi 13-ə yüksəldib. Bununla da "Qəbələ” əvəzedicilərin yarışları tarixində ilk dəfə çempion olub. Ramin Quliyevin yetirmələri eyni zamanda son 2 mövsümün qalibi olan "İnter"in hegemonluğuna son qoyub.
Əvəzedicilərin yarışının bütün qalibləri
1997/98. OİK (Bakı)
2008/09. "Neftçi” (Bakı)
2009/10. "Qarabağ” (Ağdam)
2010/11. "Bakı” (Bakı)
2011/12. "Neftçi” (Bakı)
2012/13. "Bakı” (Bakı)
2013/14. "İnter” (Bakı)
2014/15. "İnter” (Bakı)
2015/16. "Qəbələ” (Qəbələ)
