"Neftçi"nin braziliyalı futbolçusu Ailton Fereyra Silva mövsüm sonunda vətəninə qayıdacaq. Sportnet.az-ın məlumatına görə, 21 yaşlı futbolçunun Bakı klubunda icarə müddəti başa çatır.
O, yerli mətbuata açıqlamasında bunları bildirib: "Azərbaycanda oynamaq imkanım vardı və bunu dəyərləndirdim. Bu səbəbdən, klubuma minnətdaram. Klublar vəziyyəti dəyərləndirdikdən sonra gələcək karyerama aydınlıq gələcək. Mən geri dönməli və gözləməliyəm".
Ailton ötən ilin yayında Braziliyanın "Fluminense" klubundan bir illik icarəyə götürülüb. Futbolçunun klubu ilə olan müqaviləsi 2017-ci ilədək davam edir.
