"Arsenal" klubunun qapıçısı Petr Çex karyerasında 4-cü dəfə İngiltərə Premyer Liqasında "qızıl əlcəy"ə sahib çıxıb. Sportnet.az-ın məlumatına görə, 34 yaşlı qapıçı cari mövsümdə quru oyunlar seriyasını 16-ya çatdırıb.
Bu nəticə ilə o, "Mançester Yunayted"in qapıçısı David De Xeanı bir oyun qabaqlayıb. P.Çex mövsüm ərzində keçirdiyi 34 oyunda 31 qol buraxıb.
Qeyd edək ki, Petr Çex bundan əvvəl "Çelsi"nin heyətində (2005, 2010 və 2014) 3 dəfə "qızıl əlcək" qazanıb.
