"Kəpəz" azarkeşləri bu gün "Qəbələ" ilə Azərbaycan Premyer Liqasının XXXVI tur matçından öncə yürüş keçirəcəklər. Sportnet.az-ın məlumatına görə, yürüş Gəncə şəhər icra hakimiyyəti qarşısındakı meydandan stadiona doğru olacaq.
Saat 14:00-da başlanacaq tədbirə sosial şəbəkələr vasitəsilə bütün gəncəli azarkeşlər dəvət edilib. "Kəpəz Ultras" və "Xəmsə" fan-klubları yürüşə qatılanlara hədiyyə verəcəklərini bildiriblər. Yürüşün əsas məqsədi "Kəpəz"in Avropa Liqasına vəsiqə qazanmasını qeyd etməkdir.
Qeyd edək ki, oyun saat 17:00-da başlanacaq.
