"Azarkeşlərimizə bizi dəstəklədikləri üçün təşəkkürümü bildirirəm. Oyun ağır keçdi. İstəyirdik mövsümə qələbə ilə yekun vuraq". Sportnet.az-ın məlumatına görə, bunu "Zirə"nin baş məşqçisi Adil Şükürov deyib.
O, "İnter"lə keçirilən son oyunu belə dəyərləndirib: "Buraxdığımız səhvlərdən qol buraxdıq. Son oyunda uduzmaq ağır gəlir. Ancaq gələn mövsümə baxmaq lazımdır. Çalışacağıq hər bir mövqeyə güclü oyunçular cəlb edək. Legionerlə danışığımız olub. Bəziləri ilə razılaşmışıq, bəziləri ilə danışıqlar davam edir. Bu il bizim üçün təcrübə oldu".
Baş məşqçi komandadakı taleyinə də aydınlıq gətirib: "Komandada qalmağımla bağlı məsələyə gəlincə, bu söz-söhbətlər uzun müddətdir davam edir. Rəhbərliklə heç bir problem yoxdur və işimizə davam edirik".
