"Zir"ə kapitanı Rəşad Abdullayevlə yollarını ayırmağa qərar verib. Bu haqda Sportnet.az-a komandanın baş məşqçisi Adil Şükürov məlumat verib.
O, 35 yaşlı yarımmüdafiəçinin gedişinin artıq dəqiqləşdiyini bildirib: "Bəzi futbolçularla söhbət etmişik. Əsas da kapitanımız Rəşad Abdullayevlə. Rəşad daha çox oynamaq istəyirdi. Bizdə də rəqabət güclü olduğuna görə əsas heyətə düşmək çətin olur. Abdullayevlə bu haqda danışdıq və yollarımızı ayıracağıq. Gedənlərdən hələ də ki yalnız Rəşadın adını çəkə bilərəm. Komandamızı gücləndiiməliyik. Bəzi yeni futbolçularla söhbətlərimiz olub. Məsələlər həllini tapandan sonra mətbuata geniş məlumat verəcəyik".
Şükürov növbəti mövsümə hazırlığı iyunun 25-də başlayacaqlarını söyləyib.
Xatırladaq ki, "Zirə" 2-ci yerin sahibi kimi Avropa Liqasına vəsiqə qazansa da, 3 ildir peşəkar klub kimi fəaliyyəti göstərmədiyindən, UEFA-nın qaydalarına görə avrokuboklarda çıxış edə bilməyəcək.
