Azərbaycan millisi iyunun 3-də kanada yığması ilə yoldaşlıq görüşü keçirəcək. Sportnet.az-ın görüş millinin Avtriyadakı təlim-məşq toplanışı çərçivəsində baş tutacaq.
Millimizin toplanış çərçivəsində tək ümid yeri olan bu görüş Kanada üçün də əhəmiyyət kəsb edir. Artıq rəqib yığma uzun müddətdir qələbə üzünə həsrətdir. Benito Floronun rəhbərlik etdiyi komanda yoldaşlıq görüşü çərçivəsində bu ilin fevralında ABŞ-a 0:1 hesabı ilə məğlub olub.
Ardınca komanda dünya çempionatının Şimali və Mərkəzi Amerika üzrə seçmələrində Meksika yığması ilə bacarmayıb - 0:3, 0:2. Komanda sonuncu qələbəsini eyni turnirdə Hondurasla oyunda qazanıb - 1:0.
Qeyd edək ki, Azərbaycan - kanada oyunu Bakı vaxtı ilə saat 21:00-da start götürəcək.
