"Qəbələ” futbol klubu qapıçı Andrey Popoviçlə yollarını ayırıb. Sportnet.az-ın məlumatına görə, Ukrayna əsilli qolkiperlə müqavilə qarşılıqlı razılıq əsasında pozulub.
Klub Popoviçə "qırmızı-qara” forma ilə keçirdiyi oyunlara görə təşəkkür edir, gələcək karyerasında yeni-yeni uğurlar arzulayıb.
Qeyd edək ki, 2015-ci ilin yayından "qırmızı-qara” forma geyinən 24 yaşlı futbolçu komandanın heyətində 1 mövsüm çıxış edib. Qolkiper 2015-2016-cı illər mövsümündə "Qəbələ”də 10 oyun keçirib, 14 qol buraxıb. Premyer Liqada 8 matçda 11 dəfə qola üzülən qapıçı Azərbaycan kubokundakı yeganə oyunda qapısını toxunulmaz saxlayıb. Popoviç Avropa Liqasında keçirdiyi matçda 3 top buraxıb. O, "qırmızı-qaralar”ın heyətində Azərbaycan Premyer Liqasının bürünc mükafatını qazanıb. Gənc qapıçı içkiyə meylli olması ilə də diqqət çəkib.
