"Neftçi"nin Avropa Liqasının II təsnifat mərhələsindəki rəqibi Sloveniya "Koper"i ölkə çempionatında mövsümün ilk oyununda "Radmolye" ilə qarşılaşıb. Sportnet.az-ın məlumatına görə, Rodolfo Vanolinin rəhbərlik etdiyi komanda səfərdən 2:1 hesablı qələbə ilə dönüb.
Hər 3 qol da "Koper"in futbolçularının adına yazılıb. Peritsa İveciç və Yaka Ştromayer topu rəqib qapısından göndərib, Miha Qreqoriç isə avtoqola imza atıb.
Qeyd edək ki, "Koper" - "Neftçi" qarşılaşması iyulun 24-də Sloveniyada baş tutacaq. Bonifika stadionunda keçiriləcək matç Bakı vaxtı ilə 23:30-da başlayacaq.
