Cənubi Azərbaycanın "Traktorsazi" klubuna erməni futbolçu transferinin qarşısı alınıb. Sportnet.az-ın klubun fanat səhifəsinə istinadən məlumatına görə, bu, Varazdat Aroyandır.
Xəbərdə bildirilir ki, klub rəhbərliyinin addımına qarşı "İnstagram" səhifəmizdə etirazlar başlanıb. Etirazlar ünvanına çatıb və nəticədə bu oyunçunun "Traktorsazi"yə keçidi baş tutmayıb.
Qeyd edək ki, Varazdat Aroyan 24 avqust 1992-ci ildə İrəvanda anadan olub. O, hazırda "Pünik"də çıxış edir və 2011-ci ildən Ermənistanın əsas millisinə dəvət alır. Ötən mövsüm "Traktorsazi"də İran yığmasının əslən erməni hücumçusu Andranik Teymuryan çıxış edib.
