Bu gün Fransada start götürəcək futbol üzrə Avropa çempionatının iştirakçılardan olan Türkiyə millisinin forma satışında tarixi rekord qeydə alınıb. Sportnet.az-ın məlumatına görə, bugünədək 400 min forma və futbolka satılıb.
Türkiyə Futbol Federasiyası formalara tələbatın ciddi şəkildə artdığını bildirib. Açıqlamada 200 min forma, 200 min isə futbolkanın satıldığı qeyd olunub. Qiymətlər 32-48 dollar arasında dəyişir.
Qeyd edək ki, Türkiyə yığması AVRO-2016-da qırmızı və mavi formalarla çıxış edəcək.
