Bu gün keçiriləcək 3 oyunla futbol üzrə Avropa çempionatında II tura start verilib. Sportnet.az-ın məlumatına görə, A qrupunda 2, B qrupunda isə bir görüş baş tutub.
Günün ilk qaşrılaşması B qrupunda çıxış edən Rusiya və Slovakiya komandaları arasında keçiriləcək. İlk turda Rusiya İngiltərə ilə 1:1 hesablı heç-heçəyə nail olmuşdusa, Slovakiya Uelsə yenilmişdi - 1:2. Slovaklar bu dəfə qələbəni bayram edən tərəf olublar. Onların hələ ilk hissədə ruslara vurduğu 2 qol nəticəni müəyyənləşdirib. Şimal qonşularımızın gücü yalnız təəslli qoluna çatıb. Bununla da ilk məğlubiyyətini Leonid Slutskinin yetirmələrini taleyi son turda Uelslə matçda bilinəcək.
A qrupunda 2-ci turun ilk oyununda qalib müəyyənləşib. Rumıniyalə ilə İsveçrə qollu heç-heçə ediblər. Bununla da hesabına 4-cü xalı yazan isveçrəlilər qrupda 2-ci pillədədir.
Qrupun vahid lideri isə 1/8 finala ilk vəsiqəni qazanan Fransadır. Hesabında 6 xal olan Didye Deşamın komandası Albaniya ilə matçda da qələbəni son dəqiqələrdə qoparıb. Sonradan meydana çıxan hücumçu Antuan Qrizmann hesabı açıb. Son saniyələrdə isə Poyet 2-ci qolu vurub. Bu, eyni zamanda onun final mərhələsində 2-ci qoludur və rumıniyalı yarımmüdafiəçi Boqdan Stanku ilə birgə bombardirlər siyahısına başçılıq edir. "Qarabağ"ın müdafiəçisi Ansi Aqollinin kapitanı olduğu Albaniya yığmasının isə 2 turdan sonra hesabında xal yoxdur və qrupdan çıxmaq şansı demək olar qalmayıb.
15 iyun
B qrupu
17:00. Rusiya - Slovakiya - 1:2
Qollar: Denis Qluşakov, 80 - Vladimir Vayss, 32. Marek Hamşik, 45
Hakimlər: Damir Skomina
Yan xətt hakimləri: Yure Praprotnik, Robert Vukan
Əlavə köməkçi hakimlər: Matej Yuq, Slavko Vinçiç (hamısı Sloveniya)
Dördüncü hakim: Yonas Eriksson (İsveç)
Lill. "Pyer Morya" stadionu.
A qrupu
20:00. Rumıniya - İsveçrə - 1:1
Qollar: Boqdan Stanku, 18-penalti ilə - Admir Mehmedi, 57
Hakimlər: Sergey Karasyov
Yan xətt hakimləri: Nikolay Qolubev, Tixon Kalugin
Əlavə köməkçi hakimlər: Sergey Lapoçkin, Sergey İvanov (hamısı Rusiya)
Dördüncü hakim: Aleksey Kulbakov (Belarus)
Paris. "Park de Prens"
23:00. Fransa - Albaniya - 2:0
Qollar: Antuan Qrizmann, 90, Dimitri Payet, 90+5
Hakimlər: Uilyam Kollam (Şotlandiya)
Yan xətt hakimləri: Frensis Konnor (Şotlandiya), Damian Makqreyt (İrlandiya)
Əlavə köməkçi hakimlər: Bobbi Madden, Con Biton (hər ikisi Şotlandiya)
Dördüncü hakim: Maykl Oliver (İngiltərə)
Marsel. "Velodrom" stadionu.
