Türkiyəli hakim Cüneyt Çakırın Avropa çempionatının F qrupunda idarə etdiyi Portuqaliya - İslandiya oyunu üçün aldığı qiymət açıqlanıb. Sportnet.az-ın "Fanatik"ə istinadən məlumatına görə, türkiyəli FİFA referisi komandasıyla birgə 8.5 bal alıb.
Bu qiymətlə Çakır qitə turnirinin startından bu yana UEFA tərəfindən ən yüksək qiymət alan hakim olub.
Qeyd edək ki, Çakır növbəti dəfə E qrupunda Belçika və İrlandiya yığmaları arasında keçiriləcək oyunu idarə edəcək.
