Azərbaycan avrokuboklarda yeni mövsümə UEFA-da reytinqini artırmaqla başlayıb. Sportnet.az-ın məlumatına görə, bu, Avropa Liqasının ilk təsnifat mərhələsində "Kəpəz"in Moldovanın "Daçiya" klubu 0:0 hesablı nəticəsindən soinra reallaşıb.
Bununla da ölkəmiz hesabına 0.125 xal yazıb. Bunadək 13.500 xalla UEFA-nın reytinqində 24-cü olan ölkəmizin yerini qoruyub və əmsalı 13.625-ə yüksəlib.
Müqayisə üçün bildirək ki, Azərbaycanı 1 pillə qabaqlayan Şotlandiya 14.550 xala malikdir. Bizdən sonrakı pillədə gələn Kiprin əmsalı isə 13.050-dir.
Xatırladaq ki, UEFA-nın reytinq siyahısında 54 ölkə yer alıb.
