Avropa Liqasının I təsnifat mərhələsi çərçivəsində "Daçiya" - "Kəpəz" oyunundan öncə keçiriləcək mətbuat konfransının vaxtı və məkanı açıqlanıb. Sportnet.az-ın məlumatına görə, Moldo klubunun rəsmi saytı konfransın "Jolly Alon" otelinin kiçik zalında yerli vaxtla saat 14:00-da (Bakı vaxtilə saat 15:00-da) olacağını açıqlayıb.
İlk olaraq jurnalistlər qarşısına "Kəpəz"in nümayəndələri - baş məşqçi Şahin Diniyevlə kapitan Tural Axundov çıxacaq. "Daçiya"nı isə mətbuat konfransında prezident postundan istefa verərək klubun meneceri olan Adlan Şişxanovla kapitan Simeon Bulqaru təmsil edəcək.
Qeyd edək ki, bu gecə "Kəpəz"lə birgə Moldovaya azərbaycanlı jurnalistlər də yollanacaq. Bakı-İstanbul-Kişinyov hava reysi ilə səfərə çıxacaq nümayəndə heyətində Sportnet.az-ın da təmsilçisi var.
