"Qarabağ" Çempionlar Liqasının III mərhələsində qarşılaşacağı Avstriya "Zalsburq"u ilə matçın hazırlığına start verib. Sportnet.az-ın məlumatına görə, 2 gün öncə Malta "Valletta"sını məğlub edən Ağdam klubu bu gündən məşqlərə başlayacaq.
Məşq axşam Tofiq Bəhramov adına Respublika stadionunda keçiriləcək. Komandanın zədəli üzvləri Maksim Medvedev və Rəşad Sadıqov da hazırlığa qoşulacaq.
Qeyd edək ki, "Qarabağ" - "Zalsburq" oyunu iyulun 30-da Tofiq Bəhramov adına Respublika stadionunda baş tutacaq. Oyun 20:30-da strat götürəcək. Avstriyadakı cavab oyunu isə avqustun 6-da baş tutacaq.
