Azərbaycanlı futbolçu Emin Mahmudov karyerasını Portuqaliyada davam etdirəcək. Sportnet.az-ın məlumatına gör, 24 yaşlı yarımmüdafiçi "Boavişta" klubu ilə müqavilə imzalayıb. Portuqaliya təmsilçisi yeni transferini bu gün bəyan edəcək.
Mahmudovun karyerası indiyədək Rusiya ilə bağlı olub. O, Moskva "Spartak"ından gedəndən sonra "Krılya Sovetov"a keçib. Ancaq Samara təmsilçisi ilə müqaviləsini pozan Emin "Mordoviya"da icarə əsasında oynayıb. Ötən çempionatda keçirdiyi 19 oyunda fərqlənməyən futbolçumuz 4 sarı vərəqə alıb. "Boavişta" ötən mövsümü yüksək liqada 14-cü pillədə bitirib.
Xatırladaq ki, bu, yayda Portuqaliya klubuna keçən 2-ci azərbaycanlı futbolçu olub. Daha öncə digər yarımmüdafiəçimiz Elnur Cəfərov "Tondela" klubu ilə müqavilə bağlayıb.
