Almaniyanın "Borussiya" (Dortmund) klubu "Volfsburq"un futbolçusu Andre Şürrleni transfer edib. Sportnet.az-ın Dortmund klubunun rəsmi saytına istinadən verdiyi məlumata görə, 26 yaşlı hücumçu ilə 5 illik müqavilə bağlanılıb.
Almaniyalı oyunçunun ilə nə qədər qazanacağı açıqlanmır. İmza mərasimindən sonra Şürrle Dortmund "Borussiya"sının Avropanın ən güclü komandalarından biri olduğunu və bu kollektivlə uğur qazanmaq istədiyini söyləyib.
Qeyd edək ki, Almaniya millisi ilə 2014-cü ildə dünya Çempionu olan Andre Şürrle Bundesliqada 174 oyuna 48 qol vurub. "Borussiya" Şürrledən öncə Mario Götze, Sebastian Röde (hər ikisi "Bavariya"), Mark Bartra ("Barselona", İspaniya), Əmrə Mor ("Nordşelland", Danimarka), Usman Dembele ("Renn", Fransa), Mikel Merino ("Osasuna", İspaniya) ilə Rafael Gereyronu ("Loryan", FRansa) transfer edib.
