Bu gün "Qarabağ" Çempionlar Liqasında (ÇL) III təsnifat mərhələsində ilk oyununu keçirib. Sportnet.az-ın məlumatına görə, Qurban Qurbanovun komandası Çexiyada "Viktoriya"nın qonağı olub.
Plzen şəhərində baş tutan matçda hesab açılmayıb. Hərçənd, "Qarabağ" son 15 dəqiqəəd qol vurmaq üçün yaxşı imkan qazanıb. Çünki rəqibin futbolçusu Yan Beranek 2-ci sarı vərəqə alaraq meydandan çıxarılıb. Ancaq çempionumuz bu say üstünlüyündən yararlana bilməyib.
Hər halda, səfərdə qolsuz bərabərlik sərfəli nəticə sayılır. Bu hesab o deməkdir ki, "Qarabağ" avqustun 2-də saat 20:30-da başlayacaq ev matçında istənilən hesablı qələbə ilə tarixində ilk dəfə ÇL-in pley-off mərhələsinə çıxmış olacaq. Ancaq digər tərəfdən, rəqib istənilən qollu heç-heçə ilə mərhələ adlaya bilər.
Çempionlar Liqası, III təsnifat mərhələsi
İlk oyun
26 iyul
22:15. "Viktoriya" (Çexiya) - "Qarabağ" (Azərbaycan) - 0:0
Sarı vərəqələr: Yan Beranek ("Viktoriya"), 28, Mahir Mədətov ("Qarabağ"), 28
Qırmızı vərəqə: Yan Beranek, 75 ("Viktoriya", ikinci sarı)
Baş hakim: Aleksandar Stavrev
Yan xətt hakimləri: Maryan Kirovski, Deyan Kostadinov
Dördüncü hakim: Dimitar Mekarovski (hamısı Makedoniya)
Hakim-inspektor: Raymond Ellingem (Uels)
UEFA nümayəndəsi: İonel Piskanu (Rumıniya)
Plzen. "Dusan Arena” stadionu
"Viktoriya": 1. Matus Kozaçik, 3. Ales Mateju, 4. Roman Hübnik (k), 7. Tomas Horava, 8. David Limberski, 11. Milan Petrjela, 12. Mixal Duris (15. Mixael Krmençik, 62), 17. Partik Hrosovski, 19. Yan Kovarik (10. Yan Kopiç, 72) 22. Yan Beranek, 26. Daniel Kolar (2. Lukas Heyda, 79)
Ehtiyat oyunçular: 13. Petr Bolek, 2. Lukas Heyda, 10. Yan Kopiç, 15. Mixael Krmençik, 23. Marek Bakoş, 27. Frantişek Rajtoral, 29. Tomas Kuçera
Baş məşqçi: Roman Pivarnik
"Qarabağ": 13. İbrahim Şehiç, 2. Qara Qarayev, 5. Maksim Medvedev, 8. Miçel Madera, 9. Reynaldo Silva, 11. Mahir Mədətov (10. Muarem Muarem, 46), 14. Rəşad Sadıqov (k), 20. Riçard Almeyda, 25. Ansi Aqolli (18. İlqar Qurbanov, 79), 55. Bədavi Hüseynov, 99. Dani Kintana (22. Əfran İsmayılov, 67)
Ehtiyat oyunçular: 12. Şahruddin Məhəmmədəliyev, 10. Muarem Muarem, 15. Rahid Əmirquliyev, 18. İlqar Qurbanov, 22. Əfran İsmayılov, 32. Elvin Yunuszadə, 91. Coşqun Diniyev
Baş məşqçi: Qurban Qurbanov
