"Oyundan əvvəl bildirmişdim ki, "Viktoriya" özünə məxsus üslubu ilə seçilir. Matçın 75-ci dəqiqəsinə qədər rəqib pressinq tətbiq etdi. Öz oyunlarından əl çəkmədi". Sportnet.az-ın məlumatına görə, bu fikirləri "Qarabağ"lın baş məşqçisi Qurban Qurbanov Çempionlar Liqasının III təsnifat mərhələsində Çexiyanın "Viktoriya" klubu ilə səfər oyunundan sonra keçirilən mətbuat konfransında bildirib.
Onun sözlərinə görə, qolsuz bərabərliklə nəticələnən matçda məğlub da ola bilərdilər: "Lakin futbolçularım sona qədər mübarizə apardı. Bakıda bizi daha çətin oyun gözləyir. Rəqib göstərdi ki, yetərincə güclü komandadır”.
Xatırladaq ki, avqustun 2-də Tofiq Bəhramov adına Respublika stadionunda keçiriləcək "Qarabağ" - "Viktoriya" oyunu saat 20:30-da başlanacaq.
