Çempionlar Liqasının III təsnifat mərhələsində "Viktoriya" ilə Çexiyada keçirilən oyun (0:0) "Qarabağ"ın baş məşqçisi Qurban Qurbanov üçün əlamətdar olub. Sportnet.az-ın klubun rəsmi "Facebook" səhifəsinə istinadən verdiyi məlumata görə, Ağdam klubu 44 yaşlı çalışdırıcısının rəhbərliyi altında yubiley - 350-ci oyununa çıxıb.
"Qarabağ" bu qarşılaşmalardan 189-da qələbə qazanıb, 96-da heç-heçə edib və 65-də məğlub olub.
Komandanın Qurban Qurbanovun rəhbərliyi altında keçirdiyi matçlardan 258-i çempionat, 55-i avrokubok (11-i Çempionlar Liqası, 44-ü Avropa Liqası), 37-si Azərbaycan kubokuna təsadüf edib.
