Ərzurum şəhərində təlim-məşq toplanışını davam etdirən "Araz Naxçıvan" klubu son yoxlama görüşünü Türkiyənin seleksiya məqsədi ilə yğılmış 20 yaşlılardan ibarət komandası ilə qarşılaşacaq. Sportnet.az-ın məlumatına görə, Ərzurum Atatürk Universitetinin stadionanda keçiriləcək matç Bakı vaxtı ilə saat 20:00-da start götürəcək.
Əsgər Abdullayevin rəhbərlik etdiyi komanda Türkiyə toplanışı çərçivəsində artıq 2 oyun keçirib. "Samsunspor"a 1:2 hesabı ilə məğlub olan "qırmızı-qaralar" "Tasus İdman Yurdu" ilə görüşdən də məğlub ayrılıb - 2:3.
Qeyd edək ki, "Araz Naxçıvan" sabah vətənə dönəcək. Muxtar Respublika təmsilçisi Bakı vaxtı ilə 21:00-da Naxçıvanda olacaq.
