"Qarabağ"ın ispaniyalı futbolçusu Dani Kintana Avropa Liqasının pley-off mərhələsində İsveçin "Göteborq" klubu ilə cavab oyununu dəyərləndirib. Sportnet.az-ın məlumatına görə, təcrübəli yarımmüdafiəçi "İdman Azərbayacan"a açıqlamasında qol vurduğu matçın asan keçmədiyini bildirib: "Bilirdik kİ, çətin matç olacaq. Ancaq şanslarımızın da olacağını və bundan istifadə etməli olduğumuzu bilirdik. İmkanlarımızdan maksimum istifadə etdik. Biz göstərdik ki, rəqibdən daha yaxşı komandayıq. Qrup mərhələsində iştirak edəcəyik. Zənnimcə, buna layiq idik".
