FİFA futbol simulyatoru çıxdığı son 7 ildə ilk dəfə ən yaxşı oyunçu Lionel Messi sayılmayıb. Sportnet.az-ın məlumatına görə, qalib "Barselona"nın argentinalı hücumçusu Lionel Messinin əzəli rəqibi "Real Madrid"in portuqaliyalı futbolçusu Kriştianu Ronaldu hesab olunub.
EA Sports öz saytında "FİFA 17"də ən yaxşı 50 futbolçunun siyahısını dərc edib. Portuqaliya yığmasının kapitanı kimi AVRO-2016-nın qalibi olan Ronaldu 94 xalla 1-ci, Messi 93 xalla 2-ci olub. Bununla belə, Lionel "FİFA 17"də ən yaxşı driblinqə malikdir.
İlk onluqda Messinin "Barselona"da komanda yoldaşları olan Neymarla Luis Suares, "Bavariya"nın qapıçısı Manuel Noyer, müdafiəçisi Jerom Boatenq, hücumçusu Robert Levandovski, Ronaldunun "Real Madrid"də birgə oynadığı Qaret Beyl, "Mançester Yunayted"in qapıçısı David De Xea ilə Zlatan İbrahimoviç yer alıblar. "FİFA 17"nin siması olan Dortmund "Borussiya"sının hücumçusu Marko Roys yalnız 25-ci olub. Onun FİFA-nınüz qabağında Messinin əvvəzinə olacağı iyulda bəlli oldu.
Qeyd edək ki, "FİFA 17" futbol simulyatoru sentyabrın 27-də çıxacaq.
