Türkiyənin "Qalatasaray" klubu yeni transferi Kolbeynn Siqthorssonu itirib. Sportnet.az-ın məlumatına görə, hücumçu İslandiya millisinin heyətində zədələnib.
Klubdan verilən açıqlamada Siqthorssonun yığmadanın düşərgəsində olduğu zaman dizindən zədə aldığı bildirilib. Türkiyədə tibbi müayinədən keçən futbolçunun dizində yırtıq aşkarlanıb. Əməliyyat olunan islandiyalı hücumçu təxminən 1 ay yaşıl meydanlardan uzaq qalacağı qeyd olunub.
Qeyd edək ki, Siqthorsson "Qalatasaray"a yay transfer pəncərəsində transfer olunub.
