Türkiyənin "Qalatasaray" klubunun təklifini qəbul etməyib, siyasi gərginliklər yaşayan Ukrayna "Şaxtyor"unda qalan Mirça Luçeskuya klub prezidenti tərəfindən vəd verilib. Sportnet.az-ın məlumatına görə, Donetsk təmsilçisinin prezidenti Rinat Əhmədov təcrübəli mütəxəssisə dünya ulduzu transfer etməyi vəd edib.
Bu barədə danışan Luçeskunun meneceri Zaporojanu bunları bildirib: "Əhmədob Luçeskuya ən yaxşı futbolçunu təklif etdi və onu Ukraynada qalmağa razı saldı. Dünya çempionatında gözəl oyun nümayiş etdirən 22 yaşlı bir futbolçu transfer olunacaq. Həmin futbolçu Avropa klublaırnın birində oynayır".
