AFFA-nın İntizam Komitəsi Azərbaycan I divizionunda çıxış edən "Rəvan" klubunun 3 xalını silib. Sportnet.az-ın məlumatına görə, cəza FİFA-nın AFFA-ya göndərdiyi məktuba görə verilib.
Avqustun 22-də ali futbol qurumu AFFA-ya məktub ünvanlayaraq FIFA-nın Nizam-İntizam Komitəsinin "Rəvan” klubu haqqında qərar qəbul etdiyini bildirib. Qərarda "Rəvan"la həmin klubda çıxış etmiş futbolçu Miloş Adamoviç arasında bağlanmış müqavilə şərtlərinə klubun riayət etmədiyi səbəbindən cari mövsüm aktivindən 3 xal silinməsi göstərilib.
Qeyd edək ki, I turdan sonra "Rəvan"ın aktivində xal yoxdur. Qərardan sonra "Rəvan" -3 xalla mübarizəyə davam edəcək.
