"Neftçi" klubu əsas komandanın son oyunlardakı uğursuz nəticələrini nəzərə alaraq bir sıra islahatlar həyata keçirib. Sportnet.az-ın məlumatına görə, sentyabrın 9-da klubun səhmdarları ilə keçirilmiş görüşdən sonra icraçı direktor Elnur Məmmədov vəzifəsindən azad edilib.
Üstəlik baş məşqçi Vəli Qasımov və icraçı direktorun idman məsələləri üzrə müavini Mübariz Xudiyevlə də yollar ayrılıb. İcraçı direktorun idman məsələləri üzrə müavini vəzifəsi klubun struktur dəyişikliyi ilə əlaqədar olaraq ləğv edilib.
Klub yeni yeni təyinatlarla bağlı məlumatın yaxın zamanda elan olunacağını bildirib.
