Avropa Liqasının III təsnifat mərhələsinin cavab oyununda "Çixura" ilə qarşılaşacaq "Neftçi" iyulun 6-da Gürcüstana yollanacaq. Bu barədə Sportnet.az-a klubdan məlumat verilib.
Saat 10:00-da təyyarə Bakıdan Tiflisə yola düşəcək. Oradan isə oyunun keçiriləcəyi məkana avtobusla gedəcək Bakı klubu səfər oyununu işıqlandırmaq istəyən jurnalistləri də özü ilə aparacaq. Bundan başqa klubun azarkeş aparacağı da gözlənilir.
Artıq təhlükəsizliyi təmin etmək üçün qonşu ölkənin lazımı qurumlarına müraciət edilib.
Qeyd edək ki, "Çixura" - "Neftçi" qarşılaşması Bakı vaxtı ilə 22:00-da başlanacaq.
