Almaniyanın "Volfsburq" klubu baş məşqçi Diter Hekkinqlə yollarını ayırıb. Sportnet.az-ın məlumatına görə, buna səbəb komandanın uğursuz çıxış etməsidir.
"Volfsburq" cari mövsüm avrokuboklara vəsiqə qazana bilməyib. Komanda ötən mövsümü 8-ci pillədə tamamlayıb. Hazırda "Volfsburq" 7 oyundan 6 xal toplayaraq turnir cədvəlinin 14-cü pilləsində qərarlaşıb.
Baş məşqçi postu müvəqqəti olaraq 23 yaşadək futbolçulardan ibarət komandaya rəhbərlik edən Valerian İsmaelə həvalə edilib.
Qeyd edək ki, cari mövsümdə aktivində 1 qələbə olan "Volfsburq" 3 dəfə meydanı məğlub tərk edib. 3 heç-heçəsi olan komanda rəqib qapısından 4 top keçirib.
