Türkiyə Super Liqasında mübarizə aparan "Gənclərbirliyi" futbol klubunun rəhbərliyi baş məşqçi İbrahim Üzülməzlə yollarını ayırıb.
Sportnet.az-ın məlumatına görə, buna Ankara təmsilçisinin son 5 oyunda qələbəyə həsrət qalması səbəb olub.
Halbuki ilk 5 turda paytaxt komandası 2 qələbə, 3 heç-heçəyə imza atmışdı.
Qeyd edək ki, hazırda "Gənclərbirliyi" 10 oyundan 11 xalla 9-cu pillədə qərarlaşıb.
