2018-ci il dünya çempionatının seçmə mərhələsinin oyunları səbəbindən Premyer Liqada yaranmış fasilə müddətində "Kəpəz” yoxlama oyunu keçirib. Sportnet.az-ın məlumatına görə, Gəncə klubu "Dalğa Arena”da 21 yaşadək futbolçulardan ibarət Azərbaycan yığması ilə qarşılaşıb.
Oyun "sarı-göylər”in 3:0 hesablı qələbəsi ilə başa çatıb. "Kəpəz”dən ilk hissədə Orxan Əliyev və Şəhriyar Rəhimov fərqlənib. Fasilədən sonra isə Tural Nərimanov matçda son nöqtəni qoyub.
Bu gün istirahət edəcək komanda üzvləri noyabrın 14-dən məşqləri bərpa edəcək.
