"Bavariya" klubunun İdarə Heyətinin sədri Karl-Haynts Rummenige milli komandasının 2018-ci ikl dünya çempiomatının seçmə mərhələsində rəqibi olan San Marino yığmasının qrupda oynamasını istəmir. Sportnet.az-ın məlumatına görə, əfsanəvi hücumçu belə zəif rəqiblə matçı əlavə yük sayır: "Hazırda əvvəlki vaxtla müqayisədə oyunlarımız 40 faiz artıb. Yadımdadır, biz vaxtilə Çempionlar Liqasının ikinci qrup matçlarını ləğv etdik ki, futbolçuların yüklənməsi az olsun. Bundan sonra nə baş verdi? Milli komandanın təqviminə 4 oyun əlavə olundu. İndi biz San Marino, Cəbəllütariq, Kosovoya qarşı oynayırıq. Buna görə mən tez-tez özümdən soruşuram: niyə belə komandalar üçün təsnifat mərhələsi yoxdur?
Qeyd edək ki, Almaniya yığmasının hücumçusu, "Bavariya"da çıxış edən Tomas Müller San Marinoya səfərdə 8:0 hesabı ilə qalib gəldikləri matçdan sonra belə rəqiblə görüşün mənasız olduğunu açıqlayıb.
