Azərbaycan millisinin üzvü Deniz Yılmazın çıxış etdiyi Türkiyənin "Bursaspor" klubuna məxsus Bursa Atatürk Stadionunun söküntüsünə başlanılıb. Sportnet.az-ın məlumatına görə, 26 min azarkeş tutumuna malik stadionda işlər sürətlə gedir.
Stadionun yerləşdiyi ərazidə təbii görüntülü park salınacaq. Bursa Böyükşəhər Bələdiyyəsinin sədri Recep Altepe parkın 15 min insanın əyləşə biləcəyi amfiteatr şəklində olacağını, eyni zamanda "Bursaspor" xatirəsinin də yaşadılacağını bildirib.
Qeyd edək ki, "Bursaspor" 1948-ci ildən ev oyunlarını bu stadionda keçirir. Stadion Türkiyə yığmasının Almaniya, Hollandiya və İrlandiya ilə oyunlarına ev sahibliyi edib. "Timsahlar" 2009/2010 mövsümündə bu arenada Super Liqanın çempionluğunu yaşayıb.
