Bu gün futbol üzrə Azərbaycan Premyer Liqasında XII tura yekun vurulub. Sportnet.az-ın məlumatına görə, turun son oyun günündə iki qarşılaşma keçirilib.
İlk olaraq "Sumqayıt" doğma azarkeşlər önündə "Neftçi" ilə münasibətlərinə aydınlıq gətirib. Samir Abasosvun komandası rəqibini ilk dövrədə olduğu 2 qol vuraraq məğlub edib. Özü də bu dəfə fərqlənənlər "Neftçi"nin yetirmələri - Amit Quluzadə ilə Mirabdulla Abbasov olub.
Günün və turun son oyununda isə "İnter" və AZAL komandaları qarşılaşıb. "Bankirlər" matça ciddi itkilər - Nizami Hacıyev, Rauf Əliyev, Ağabala Ramazanov, Zurab Xizanişvilinin yoxluğunda çıxsalar da, bu, asan qələbə qazanmağına mane olmayıb. AZAL bu dəfə meydanı böyükhesablı məğlubiyyətlə tərk edib və üstəlik, qırmızı vərəqə alan legioneri Brayn Foku itirib. "İnetr" isə şərikli liderlər - "Qəbələ" və "Qarabağ"la 5 xallıq fərqini qoruyub saxlayıb.
Bununla da XII tur meydan sahiblərinin qələbəsi ilə yadda qalıb. Dünən "Qəbələ" evdə "Zirə"ni, "Qarabağ" isə "Kəpəz"i 1:0 hesabı ilə məğlub edib. Göründüyü kimi, qonaqlar bu tur qol da vura bilməyiblər.
Azərbaycan Premyer Liqası, XII tur
20 noyabr
14:00. "Sumqayıt" - "Neftçi" - 2:0
Qollar: Amit Quluzadə, 3, Mirabdulla Abbasov, 75
Hakimlər: Rəhim Həsənov, Namiq Hüseynov, İsgəndər Əliyev, Azər Əsgərov
Əlavə köməkçi hakimlər: İnqilab Məmmədov, Ramil Diniyev
AFFA nümayəndəsi: Sakin Məmmədzadə
Hakim-inspektor: Əhmədağa Cabbarov
Sumqayıt. "Kapital Bank Arena"
16:00. "İnter" - AZAL - 3:0
Qollar: Ruslan Abışov 23-pen, İlkin Qırtımov, 56, Slavik Alxasov, 65
Qırmızı vərəqə: Brayn Fok, 69 (ikinci sarı)
Hakimlər: Əliyar Ağayev, Rza Məmmədov, Zeynal Zeynalov, Mübariz Haşımov
Əlavə köməkçi hakimlər: Orxan Məmmədov, Fariz Yusifov
AFFA nümayəndəsi: Ramiz Abdullayev
Hakim-inspektor: Rövşən Əhmədov
Bakı. "İnter Arena"
