"Sumqayıt"ın futbolçusu Amit Quluzadə üçün bu gün əlamətdar gündür. Sportnet.az-ın məlumatına görə, ad gününü qeyd edən yarımmüdafiəçinin 24 yaşı tamam olur.
Quluzadə Azərbaycan Premyer Liqasının XII turunda "Neftçi" ilə keçirilən matçda özü-özünə ad günü hədiyyəsi edib. Futbolçu yetirməsi, ilk peşəkar klubu olan"ağ-qaralar"a 3-cü dəqiqədə vurduğu qolla hesabı açıb. Bununla da Amit eyni zamanda cari mövsümdə ilk dəfə fərqlənib.
Qeyd edək ki, bu komandaların ilk dövrədə paytaxtdakı matçında da hesab erkən açılıb. Sadəcə, onda "Neftçi"nin yarımmüdafiəçisi Cavid İmamverdiyev 6-cı dəqqiədə qola imza atıb.
