"Neftçi"nin baş məşqçisi Elxan Abdullayevin "Sumqayıt"la Azərbaycan Premyer Liqasının XII tur matçından sonra keçirdiyi mətbuat konfransında qalmaqal baş verib.
Sportnet.az-ın məlumatına görə, buna "rekord.az"ın redaktoru Anar Xanlarovun "Nəticə olmasa, sizə təzyiq olacaq?" sualı səbəb olub.
O, "Bura məhkəmədir? Siz kimsiniz ki, belə sual verirsiniz?" sualı verib. Jurnalist də ona "Bəs siz kimsiniz ki, mənimlə belə danışırsınız?" cavabı verib. Mübahisələrdən sonra Abdullayev "Sualı düz başa düşməmişəmsə, üzr istəyirəm" deyib və mətbuat konfransını tərk edib.
