"Sumqayıt"ın futbolçusu Amit Quluzadə Azərbaycan Premyer Liqasında XII turunda "Neftçi" ilə oyundan sonra müsahibə verib. Sportnet.az-ın matçda olan əməkdaşının məlumatına görə, görüşün qəhrəmanlarından olan yarımmüdafiəçi jurnalistlərin suallarını cavalandırıb.
- Vurduğun erkən qol qələbədə böyük rol oynadımı?
- Ümumiyyətlə, bugünkü oyunda qol epizodlarımız çox oldu. Baş məşqçimiz Samir Abasov rəqibi yaxşı təhlil etmişdi. "Neftçi"nin güclü, zəif tərəflərini bizə yaxşı izah etmişdi. Haradan təhlükə yarada biləcəyimizi müəyyənləşdmirşdik. Bunun müəyyən faizini həyata keçirə bildik və bu da qələbəni gətirdi.
- Sabiq komandanla matçda bir qol, bir məhsuldar ötürmə etdin. "Neftçi"yə qarşı hər hansı xüsusi bir hazırlıq vardı?
- Yox. "Neftçi"nin yetirməsiyəm və futbolçu olduğuma görə bu kluba minnətdaram. Başqa komandaya qarşı necə hazırlaşmışdımsa, "Neftçi"yə də elə.
- "Neftçi"yə meydanda yaxşı oyununla minnətdarlığını bildirdin...
- Mən peşəkar futbolçuyam. Hansı komandada oynayıramsa, onun üçün əlimdən gələni etməliyəm.
- Rəqibinizi öz yetirmələrini "vurdu". "Neftçi" onları buraxır, gətirdiyi legionerlər isə heç nə edə bilmir...
- Gəlin, baxaq ki, Azərbaycan çempionatında "Neftçi"nin nə qədər yetirməsi var. Onlar indi bu klubda olsaydılar, turnri cədvəlində daha yuxarı pillələrdə olardı.
- "Neftçi"ni bu gündə olması sabiq futbolçu kimi sənə kənardan ağır gəlmir?
- Bu, komandanın daxili işdir. Biz öyrəşmişik. ki, "Neftçi" həmişə yüksək pillələrdə olsun. Kluba yeni rəhbərlik, yeni baş məşqçi gəlib. Yəqin ki, onlara komandanı düzəltmək üçün vaxt vermək laızmdır. İnanıram ki, ikinci dövrədən daha yaxşı çıxış edəcəklər.
- Bəs "Sumqaytı"ın potensialı bu mövsüm nəyə çatır?
- Komandamız ancaq yerli futbolçularla oynayır. Heyətdə Premyer Liqada ilk dəfə oynayan futbolçular var. Hələ ehtiyatda olanları demirəm. "Sumqayıt" belə gənc, təcrübəsiz futbolçularla pis mübarizə aparmır. Xahişim budur ki, bunu qeyd edin.
- Klub rəhbərliyi "Neftçi" üzərində qələbəyə görə böyük mükafat verəcəkmi?
- Mükafat barədə danışmamışıq. Yəqin ki, mükafat olar. Ancaq əsas bu gün qalib gəlməyimizdir.
