Avropa Liqasının İ qrupunda V turun "Şalke 04” (Almaniya) – "Nice” (Fransa) oyununu FIFA referisi Əliyar Ağayev idarə edəcək.
Sportnet.az-ın AFFA-nın rəsmi saytına istinadən məlumatına görə, Ağayevin köməkçiləri Zeynal Zeynalov və Rza Məmmədov olacaq. Dördüncü hakim funksiyasını Mübariz Haşımov yerinə yetirəcək. Əlavə köməkçi hakimlər isə Orxan Məmmədov və Rəhim Həsənov olacaq.
Qeyd edək ki, oyun noyabrın 24-də Gelsenkirchen stadionunda keçiriləcək.
