Azərbaycanlı sabiq futbolçu Xaliq Muradov həbs olunub. Sportnet.az-ın "Futbol+"ə istinadən məlumatına görə, əməliyyat Narkotiklərə qarşı Mübarizə İdarəsinin əməkdaşları tərəfindən aparılıb.
Muradov və şəriki 7,5 kq narkotik maddə olan marixuana satarkən saxlanılıb. Tutulanlar hazırda Gəncə təcridxanasındadırlar.
Qeyd edək ki, Xaliq Muradov artıq fəaliyyətini dayandırmış "Karvan"da 2006-cı ilin yayından sonlarınadək çıxış edib. O, həmin il iyulun 13-də "Karvan"ın Bakıda Slovakiyanın "Spartak" (Trnava" ilə keçirdiyi UEFA Kubokunun ilk oyunu zamanı yeganə qolun müəllifi olub. Bu, Muradovun Yevlax klubunun heyətində debüt matçına təsadüf edib.
