Afrikada bu ilin ən yaxşı futbolçusu adına namizədlər müəyyənləşib. Sportnet.az-ın məlumatına görə, Afrika Futbol Konfederasiyası qalib uğrunda 5 namizədin olduğunu açıqlayıb.
Bunlar İslam Slimani, Riyad Maxrez (hər ikisi Əlcəzair, "Lester"), Pyer-Emerik Obameyanq (Qabon, "Borussiya" Dortmund), Məhəmməd Salah (Misir, "Roma") və Sadio Manedir (Seneqal, "Liverpul").
Qalib ekspertlərin və Afrika milli komandalarının baş məşqçilərinin səslərinə əsasən bilinəcək. Obameyanla Maxrez eyni zamanda FİFA-nın ilin ən yaxşı futbolçusuna nəzərdə tutduğu "Qızıl top" mükafatına namizədlər siyahısındadır.
Qeyd edək ki, Obameyanq "Borussiya"nın heyətində "Qəbələ" ilə Avropa Liqasının qrupunda "Bakcell Arena"da 3:1 hesabı ilə qalib gəldikləri matçda het-trik edib.
