Bir neçə dəqiqədən sonra Avropa Liqasının qrup mərhələsinin V turunda "Qəbələ" Belçikanın "Anderlext" klubunu qəbul edəcək. Sportnet.az-ın məlumatına görə, start fitinə dəqiqələr qalsa da, oyunun keçiriləcəyi "Bakcell Arena"da tribunalar boşdur.
Bu da matça marağın çox az olduğunu göstərir.
Xatırladaq ki, "Qəbələ" qrupda keçirdiyi 4 oyunun hamısında uduzaraq 1/16 finala çıxmaq şansını itirib. İndi bütün futbolsevərlərimizn diqqəti "Bakcell Arena"dakı qarşılaşmadan sonra - saat 22:00-da başlayacaq "Slovan" - "Qarabağ" oyununa yönəlib. Ağdam təmsilçisi pley-offa vəsiqəni məhz Liberetesdəki matçda qazana bilər.
