Türkiyənin "Qalatasaray" klubu heyətini müdafiəçi ilə gücləndirib. Sportnet.az-ın məlumatına görə, "Gənclərbirliyi"ndə çıxış edən Ahmet Çalıkla 4.5 illik müqavilə imzalanıb.
Transfer üçün "Gənclərbirliyi"nə 2.3 milyon avro ödəniləcək. 23 yaşlı futbolçu "Qalatasaray"da çıxış etdiyi hər mövsümdə 900 min avro qazanacaq. Cari mövsümdə isə onun gəliri 450 min vro olacaq.
Bundan başqa "Qalatasaray"ın Super Liqa və UEFA bayrağı altında keçirilən oyunlarda çıxış etdiyi halda 3 xal qazanılarsa, 5 min avro əldə edəcək. Mükafat ilk 11-likdə olarsa, 100%, əvəzetmədən meydana daxil olarsa, 50%, adı iştirak ərizəsində olarsa 25% faiz olacaq.
O, yeni komandasında 3 nömrəli futbolka ilə çıxış edəcək.
Qeyd edək ki, Ahmet Çalık 2011-ci ildən "Gənclərbirliyi"ndə çıxış edəcək.
