"Özbəkistanla oyuna ciddi hazırlaşırıq. Bu, yoldaşlıq görüşü olsa da, nəticə bizim üçün önəmlidir". Sportnet.az-ın məlumatına görə, bunu Azərbaycan millisinin və "Qəbələ"nin futbolçusu Elnur Allahverdiyev deyib.
Bununla belə, Allahverdiyev Özbəkistan millisi ilə əvvəlki yoldaşlıq görüşlərini izləmədiyini bildirib. Əhvalı heç də yerində olmayan təcrübəli müdafiəçi "Qəbələ"də əsas heyətə düşə bilməməsinin də təsirsiz ötüşmədiyini etiraf edib.
Qeyd edək ki, avqustun 20-də "Bakcell Arena"da keçiriləcək Azərbaycan - Özbəkistan matçı saat 21:00-da başlanacaq.
