İngiltərənin "Arsenal" klubu UEFA-ya şikayət edib. Sportnet.az-ın məlumatına görə, "topçular" Çempionlar Liqasının "pley-off" mərhələsində Türkiyə "Beşiktaş"ı ilə ilk görüşdən sonra baş verənlərdən narazı qalıb.
Bildirilir ki, paltardəyişmə otağına gedən yolda "Arsenal"ın baş məşqçisi Arsen Vengerə kənar əşya atılıb. Həmin əşyanın butulka olduğu güman edilir.
Qeyd edək ki, İstanbuldakı Atatürk Olimpiya stadionunda keçirilmiş qarşılaşma qolsuz tamamlanıb. Cavab görüşü avqustun 26-də olacaq.
