Azərbaycan Premyer Liqasının XXl turu çərçivəsində keçirilən "Sumqayıt" - "Qarabağ" görüşündə baş hakim Ramil Diniyev meydan sahiblərinin qapısına şübhəli penalti təyin edib.
Sportnet.az-ın məlumatına görə, qarşılaşmanın 44-cü dəqiqəsində ilk qolun müəllifi Miçel Madeira "Sumqayıt"ın futbolçusu Bəlul Mustafazadə ilə mübarizədə yerdə qalıb. Referi isə 11 metrlik nöqtəni göstərib. Halbuki epizodun video təkrarında da Ağdam klubunun yarımmüdafiəçisinə qarşı aşkar kobudluq olmadığı görünür.
Qeyd edək ki, penaltini dəqiq yerinə yetirən Riçard Almeyda ilk hissənin yekun hesabın müəyyənləşdirib - 0:2.
